بدع/ هيثم عوض السعدي
وجواب الشاعر المعروف حنش اليافعي ابو خالد

يقول هيثم بن عوض مالي وله شعر الغزل
مادام لي هاجس طلب يد الحليله بالحلال

زوجتها منّه وسافرنا علـى كـوكب زحل
وحجز لهم فندق ولا حد منهم قدّم ريال

مشيتهم بين الكواكب وانتهئ شهر العسل
والان ملكي كلهم لثنين مافيها جدال

وحسب تصميمي يصيغون الجواهر والحلل
ايضاً وهم من يدعموني في ميادين القتال

رغم انني منذو عرفت أسمي وانا ذيب العول
بالسلميه سلمي ولاكني سريع الاشتعال

قدهي وراثه هكـذا عاداتنا منذو الأزل
عن والدي ، عن والده ، يتوارثوا خير الخصال

جدي بطل ونجب بطل ، وابن البطل خلّف بطل
مواطئي فوق الثراء والراس من فوق الهلال

الى هنا يكفي مناورت القوافي والجٌمل
والان باندخل بموضوع الخيانه والنضال

موضوعنا حول الفتن وحول عاصفة الأمل
وحـول اشياء باينه بين الحقيقه والخيال

مع فحول الشعر نتناقش ونبحث ع الخلل
نقاش عقلاني وصافي مثلما عذب الزُلال

واخص أبو خالد حنش ذي هاجسه مثل الجبل
حوار شيّق بايقع بين الكواكب والجبال

الخير واضح مثلما شمس الضحئ مابه جدل
والشر واضح والفتن كربون من سوّد الليال

مالي أرئ هذا التهاوّي ذا طلع هذا نزل
وذاك جالس في عدن ويده ورجله بالشمال

ويندعي في حُب (اروى) بنت قاسم بالدجِل
وحفادها صاروا ضحيه من وراء ست الجمال

يتصنع الطيبه ويفرش لك على المكريب زل
بيكره امريكاء ويدعم من وراك الاحتلال

والعالم الله من هو الكسبان من هذي الحّيل
والعالم الله من يرخيها وبيشد الحبال

باليل يشهر صارمه والصبح بيوزع قبٌل
له وجه سنٌي بحت والثاني .منصحاب الضلال

بيندعي بدّين لكن كم بجنبيته قتل
وكم وكم نحو الصدور العاريه وجه نبال

برغم ماله في عدن ناقه ولا عنده جمل
بس امنياته كلها يحرق شواها وطحال

قد ربما الرجال ماله نفس نتوصل لحل
يشتي يخلينا بدوامة تُناحر وقتتال

وسوريا بتصيح بأعـلا صوت هل باقي وهل
ياااامة المليار هل باقي بكم نخوة رجال

اولادي الاحرار ذا ميت وهذا معٌتقل
وبنتي الحُره حلب حامل بغرفة لعتقال

من صوتها ياصاحبي قلبي بيتقطع وصل
ولا معي غير الدموع الحارقه والابتهال

وحنا وراء اسم. (الخرافه) عيب هل فيكم خجل
كلاً يشوف انه كمل عقله ولله الكمال

من بعد صدام البطل صاب العرب كامل شلل
وكبر دليل الفارسي يوم العزاء قام احتفال

واكبر مصيبه عندما يتملك الغابه ثعل
على الاسود الضاريه يحكم وبيعطل عطال

والختم صلي ع النبي ياسامع القيفان صل
اعداد مادمع الثكالاء سيّله والدم سال

جواب الشاعر حنش ابو خالد ##########

قال الفتى دقه طبول الحرب والحلف اكتمل
رعد الشمال اقصد وماادراك مارعد الشمال

شعـار .قـوة ضاربه لن تنهزم مهـما حصل
صارم تسلط فوق جبهة كل متغطرس وضال

مهمته ،،، ضرب الجـماجم بعد نقداف المُقل
ياويـل ويلـه ، من خرج خارج حدوده والمجال

وانا " حنش " ذي تعرفونه معتلي قمة جبل
شـموخ راسي ،، لن تهزه ثرثرة قاله وقال

على بلاطه ، قال ابو خالد حنش "كركر جمل"
لهـجه رديه ،،، هابطه والله ماهي لي ببال

" عبده ربل " مهما طلـع والا نزل عبده ربل
من له طبيعه بالبـدن محـال تتغير محـال

الليل ،،، قـم ياهاجـسي يانجم ماعمره افل
شرع القبايل ،، ياعريق الاصل من كال استكال

حيا على عيني وراسي ،،، كل ماالماطر هطل
حيا شقر راوي ،، طرحته ع المشده ، والعقال

عسل عسل هيثم عوض ، كله على بعضه عسل
وفوقها ،،، شاعر محنك صال بالساحه ، وجال

يعني على لهجة عدن هيثم عوض "مالوش حل"
من الـنواحي كلها ،،، به ينضرب اروع مثال

ماهل حقيبـه من ( كليمة) قال مالي بالغزل
ويش الخبر ذي بانخابر به " حسينات القبال"

ذا فصل ،، والثاني بدا حط السبل فوق السبل
سيره دلا عاد المراحـل يانـظر عيني طوال

عاماً ونصـف العام من يوم ابتـدينا بالـعمل
كم هي جماجم ذي كسرنا من عصابات الضلال

نصيحتي ،،، لا للتـسرع والـتذمر والكـسل
دام الوطن يابن عـوض بيعـج بشباه الرجال

اصلاح ، داعش ، قاعده " واحد "ومافيها جدل
راس البلا ، ساس المصايب ياعساهم للزوال

عبيـد عاشـوا للملاليـم الحـقيره والهلـل
الاخ منهم ،،، بايبـيع اخـوه منـشان الريال

شعارهم واضح وضوح الشمس ياذيب العول
مادام فيها مال " ماهي مشكلة كشف الجلال"

شلل حقيرة ،، فاجرة ،، يلعن جدفها .من شلل
اكبر شـنب من بينـهم دمي بقاموسه حـلال

القاتل الماجور هـم من يصـنعوا مـنه بـطل
والخير ذي هم يعملونه نهب ، تفجير ، اغتيال

مطلـوب ،، رفع الجاهزيه خبروا كـمّن بطل
"للسوق بايدخل حماره " من طرحنا له مجال

لا للـهواده والتـعاطف لو مـع بائـع بصـل
معك عجب حيا وسهلا ،، مامعك ، شد الرحال

وحول نكبة سوريا ياخوك كم جوف اشتعل
وكم قلوب اتفطره ،،، ودمع فوق الخد سال

لو كان في مانكتبه بشعارنا ،،، مخرج وحل
بكل ساعة حزن مـرت كان سـجلنا مـقال

واليوم رغم الذل والخذلان من بعض الدول
ماعذر مايتمرمغ الراس المجوسي بالرمال

حتى ولو بالامه اصبح شبه. مغقود الامل
عـاد امـل باقـي بسلمان الشهامه لايزال

هذا وموضـوع الخـلافه صـابني مـنه ملل
مادام صاحبنـا تجاوزها ،، لمـه كثر الجدال

عملاق يافع ،،، سيّد الشعار ،،، مافيها زعل
وحده ابو قيس النمر كلمه قصيره من طوال