كيف بايكلل نصر جيّل الفسبكه
ولا سمعنا في جهاد الفيس بوك

والحريه ما باتجي بالفبركه
ولا بدفتر كمبيالات البنوك

اجيال نيدو والجلكسي منهكه
تحت المذله صدق مافيها شكوك

حب الكراسي قادهم للمهلكه
ياليت هم يتذكرون اليورموك

ايام ما خالد يقوّد المعركه
ياموت وستشهاد ياعيشت ملوك

والمعتصم يوم الجيوش اتحركه
من صوت واحد دكهم فيها دكوك

واليوم صرنا في زمان الصعلكه
لو قلت كلمة حق اهلك ينبذوك

ياشيخ ويش المنهج اللي تسلكه
تتولي الكافر وبتقاتل أخوك

في أي حق دمي ودمك تسفكه
يامسلم أعقل شوفهم ماينفعوك

الغزو فكري لازم انك تدركه
القصد عن دينك وعرضك يخذلوك

بسم الحضاره فرتكونا فرتكه
وفرقوا بينك وبين امك وابوك

كن القيامه يامحبين اوشكه
يارب حسٌن الخاتمه في من رجوك