بدع الشاعر المعروف// محسن صالح اليافعي
وجواب هيثم عوض السعدي
✌✌✌✌✌✌✌✌✌✌


بن عوض ليتنا قرحت راسة بالي
قبل يوصل إلى سن الخرف والهباله

قبل ما قال إن الأرض لي والسماء لي
داعي الشر فال الله ولا قول فاله

واقع الحال من شيب رجع للخبالي
مثل ما الطفل ذي يلعب وملعط بباله

ذي جعلته هرم فوق الشموخ العوالي
بعد أفعاله الشينه بقاه استحالة

ما يهم لو خسرته لي شريته بغالي
بعد ما باعني بيع الطمع والعماله

ما ترك لي مجال اقول ذا لك وذا لي
وترك العند يامغرور مالك وماله

ما توقعت يطعني بخنجر شمالي
ضدي استنفر الأعداء بقالت وقاله

بعد مانا رفعته للأفق والعلالي
للمواقف تنكر وتبع للحثاله

الذي عكرو في عذب صافي زلالي
بل ومن حق من بايمنحونه وكاله

يعلم أن عاد قدامة صليب الرجالي
ويش في حيلته يصنع علي باثعاله

له ومن صار ضدي للاعادي موالي
باشطبه من سجلاتي وبعمل ازاله

لن اجادل لمن رأسه من الوعي خالي
والذي داعي الفتنة يجي من خلاله

عار من باع أرضه في ريال احتلالي
أو يساوم بها بالكذب بكشف جلاله

حسب قول المثل مابا يديم الضلالي
تخرج الشمس ياذي جلستك بالضلاله

منكم العذر يأصحاب السمو والمعالي
لو ابو صالح اتعدى حدود الزمالة


........... ..............
....... جواب هيثم عوض السعدي.......


يالله ادعوك ياوالي على كل والي
انزع الهم وخلفني سعاده بداله

وحمدك وشكرك يالله ياذو الجلالي
اشرح الصدر وصلح حال هيثم وباله

مااااانبالي نعم ياااااابو علي مانبالي
بن عوض في سماء الابداع جالس لحاله

والذي ماااااابيعرفني يجرّب قتالي
ونصحه قبل مايُقدم يودع عياله

الادب والفصاحه والثقافه حلالي
والصبي قال ينكر بن عوض من حلاله

شيب الراس لكن عاده القلب سالي
عاد قلب الولع ولهان في بنت خاله

قد اخذت المقاطي والدُبل والشوالي
ونت يابو علي ليش الحسد والهباله

عاد لي نفس محنونه ببنت الجمالي
مستحيله نقدم قبلها لستقاله

لجلها سوف باقاتل بخنجر شمالي
والبُنيه يخُذها بن عوض من خلاله

يا أبو علوه اترجااااك تفهم سؤالي
خنجري ماااااتركه مهما تقولوا نذاله

شوفني بحسبه يابو علي راس مالي
من خلاله يضاعف بن عوض راس ماله

شوف لو صار بي شي عاد بعدي عيالي
بن عوض بايخذها او تخذها رجاله

قصدكم تمسحوني واتقصوا حبالي
قد وصلني خبركم يابطل في رساله

لا تخوي براسي لا تكثّر جدالي
من يحاول يقرّب شبر باشوي طحاله

ونت محد يفكر فيك او من توالي
شلك السيل وانته باااال وااا بال باله