بدع الشاعر المعروف محسن

وجوابي عليه


هيثم عوض جاني بنخرة بنه
ما يدري أن راسي سكن به جني

جني مسلط يسحبه من دقنة
والفيل قدامة بيرجع عسني

لبن عوض باحط مغطى بإذنه
من شأن لو قلبه نسي يذكرني

معروف لا صاحب مع بن بطنة
باينغلب ضدة بواحد شتني

قررت ترحيله بلاد البوسنة
فيها يحقق للذي يتمني

برتاح واريح عياله منه
جالس كما النامس يزن جنب اذني

ما يفرعونة الف وقت الضمنة
ون حان وقت الجد محد مني

قربت له معصيد كمل صحنة
وناصفة مندي وقال اسعفني

بعيش صامولي وكيلو جبنة
وأربع ملوح فيها املأ بطني

وقلت ما باقي لها الا طعنة
وايش عادك بعدها مستني

ذا فصل والثاني براسي طنه
والشاعر المغوار يعرف رطني

لا خير من ذي قالوا أنه وإنه
باينصف الجيران واينصفني

طلع ولا يسوى ثميني سفنة
ذي ما نفع نفسه مع ينفعني

محسوب ع الواقع من أهل السنة
ولا عترف شيعي ولا نه سني

كنت احسبة خير من أهل الجنة
طلع ابو وجهين خيب ظني

ويرتدي معوز وحين الزنه
والثوب والغترة بسوق الحفني

مركوز مثل الكوز هويت أبنه
مكان ابوشمة لهم متبني

ابليس ذي غرة لبوه العنة
إلى جهنم هو ومن يكرهني


جواب.....هيثم عوض السعدي

هيثم عوض معروف وسال عنه
بالارض كامل ما حدا يشبهني

شاعر وسوس بالجماجم حصنه
لو كنت جاهل روح وسال عني

من جي مسالم ما بخيب ضنه
ومن تحداني تذوق طعني

في وقت ما صوت المدافع حنه
ساحات طيار الدماء تعرفني

يااامحسن انته من خرقت الهدنه
ماااا عاد باينفع كلام اسمحني

جب لي ابو عطفه وجنبهة خزنه
الليل بسرع وقت قم ياااا أبني

لاشي نبت له قرن بكسر قرنه
ذي جي بكشحه قال باااا يلبجني

يصلح مهرج في طيور الجنه
ولا ممثل عند فهد القرني

شيبه ويااااليته يقدر سنه
من بعد دشداشه لبس طيحني

ذا فصل وثاني براسي شُحُنُه
ولا لغيت انسان ذي يفهمني

لو قلت بتكلم يقولوا كنه
هيثم عوض مجنون او به جني

بقول خلونا نسكن سكنه
والناس ذي تسمع بتتجاهلني

واليوم سيطر صاحبك ع الدهنه
ولا رضي ياكل ولا يطعمني

بنقول له حقي وقال ااااستنه
كاس المراره والام جرعني

وعندما شاف الطبيب الرنه
بادر على ذي كان له مستني

الثعلب المكار سوي حقنه
والراقصه ترقص وهو بيغني