كلمات الشاعر المعروف
محسن صالح

وجواب / هيثم عوض السعدي




هيثم عوض مثل دحباشي بلا نخوه
دخل من الباب وخرجني من الطاقة

انا تنازلت له عن رايتي عنوه
ورايتة أصبحت ع الأرض خفاقة

اعطيته الأولوية وجعله قدوه
واستغل الثقة في خلط اوراقه

أمم بلد كامله ويأمم الثروة
من دون ماله جمل فيها ولا ناقة

عيني بعينه وعينه في بلد شبوة
نفط المسيلة مقسم له ولرفاقه

دحبش عيالي وعلمهم على الرشوة
حتى البلاد أصبحت سرقة ومسراقه

طبعه ذماري وعنده عرق من نعوه
منذ عرفته يأن قلبي من اعماقة

عقدين ماشي هنيت النوم والسلوه
والعيش ما طاب لي بأكل بلا فاقه

اليوم أن الأوان امسح به الصلوة
لا خير من ناس عشاقة ونذاقه

ماحد يداري ويتستر على خزوة
والبس قال المثل بيحب خناقة

ماواه وادي جهنم بعد ما تشوه
ظاهرتها قد أراد الله إحراقه

ماله درى أن ريقي للحمه رقوه
يقضي على السم ذي دسه في اطباقه

من مثل ذا الصنف العشرة معه بلوه
بلانا الله فيهم قوم مياقه

ما طيق ذكرة ونا في قمة النشوة
من جاب طارية باحرق حاجب احداقه

الشمس غابت وقد صاب الفرس كبوة
ولا من الموت باتحميه انفاقه

حددت خصمي وسهمي متجة نحوة
والقطع هيثم عوض يجري على اعناقه

بعد الضيافة سرق كباية القهوة
والكوت حق الصبي من فوق معلاقه

والسيل بقطع للسانة وقطع الخصوة
وبا تفرق لشناقه ومناقه

ودفع لغسان حق الحرز والمحوة
ون ما عقل بانحط القيد في ساقه

ولا اربطة جنب هيثم أسفل الخلوه
حتى يجي والي أمرة وأعلن اطلاقه

ضد من تحالف معهم باعلن الذروة
قد الحليله معي للشعر تواقه

مالي ومن للقصائد يشتري شروة
والشعر أذواق له جمهور ذواقه


جواب...... هيثم عوض السعدي

انا الذي صلحوا لي بالأدب ندوه
واحروف شعري ذهب والماس برااااقه

يعيش هيثم عوض ذي بزته لبوه
((عذبه❤حسين)) الذي للجود سباقه

بزّت أسد ربته ع الرفق والقسوه
اصيل اصلي وفي وافي بميثاقه

والان ياااهاجسي قم لبي الدعوه
وقوس في بحر شعري ودخل اعماقه

رصرص لي ابيات حلوه نقهن نقوه
دق العدو دق وتفنن بفلاقه

مهما ومهما ابو وجهين بي شووه
((الراس مرفوع والرايات خفاقه))

بفهم كلامه انا من قبل يتفوه
ايش الذي يقصده محسن بما ساقه

ذي كان بسّمع والطاعه رجع أذوه
من بعد ما سيت له برُجين عملاقه

انا انا من بنِي لك بيت يازقوه
واليوم باقوم انا وحدي بدقداقه

مانا كما قلت دحباشي بلا نخوه
شفني ابو وعل ماتقدر لزحلاقه

لسحر والشعوذه بستخدم العجوه
عجوا المدينه ورقيه تكفل اسحاقه

بنساق للعقل مااااابنساق للشهوه
ونته بتجري وراء الدولار طراقه

قصدي تضلي يفُاعه مثلما لخوه
ونتم ترومون (( يامحسن )) لمزاقه

صعيب يافع على امثالكم غزوه
مادام كلاً معه بندُق بشلاقه

مافتح مغطاء ولا غطي على جهوه
وكل انسان عارف قيمة اعراقه

ايش من ضيافه بتعملها لك السقوه
ماشي معي من عدوي غير بقبااااااقه

وجمل تحيه تصل مني لبو علووووه
ذي بالادب محد أتالق تألاقه

والسيل شف ق معه في كلوته حصوه
شرّبته الماء بذبينه بلا فاااقه

والحاج غسان فلسسته كما المروه
جزعت راسه لبن قُدام عشااااقه

انا براس الجبل وانتم على الرهوه
من مثلكم الف بمسحهم بشرااااقه

طيب مؤادب ولكن سطوتي سطوه
بصتاد هامور ماشي بقرّب الباااااقه

من يعترض بن عوض يستخدمه فروه
ع الباب بالملتقى بيكون دحااااااااااااقه