كلمات الشاعر المعروف نضير احمد السيل الربيعي ابو ساره

وجوابي عليه



فاقت ملوك الغاب ياذي تحسبوها نايمه
ويل الارانب ويل لو ماتختفي عمق الجحور

نحن الذي بنرقص الحنشان ذي هي سامه
حتى جبال الارض لو قلنا لها دوري تدور

وانشي حد اتجرى على الشاعر ويشهر صارمه
باقطع شرايينه وباتصدق بلحمه للطيور

والثانيه هيثم وضعته ضمن راس القايمه
لي قدمو بالحال وجه الناعيه وجه الدبور

عندي حسابه قد عملته والعواقب صارمه
وانا لها ان كان ما طلعت من جلده سيور

ما طاعني غشاش بيصرف بضاعه قادمه
من قطر سور الصين تاتي من ورا عدة البحور

العيب فيها والمصنع ذي صنعها عالمه
والاخ ينفقها على الشاري وكاله من ديور

اسرح مع جالب بضاعه من عللها سالمه
اصناف عند الكل مرغوبه وسلعه ماتبور

ومن يشابرها ويتلاعب فما له دايمه
فل يعلن التوبه ويستغفر ومولانا غفور

كاش استلم حقه ورده لو اتاني فاهمه
يطل ول ا كوز من مثله يجي ولا يغور

الثانيه فاتت وفي ثالث رساله هامه
اتمعنوا فيها ولازم تفهموها يا حظور

فريستي راحت ومستنظر مصير القادمه
اكلت من ربيان حالآ قدموا صحن الجزور

الله يعين الحاج محسن باتقع له خاتمه
وبانقدم شرح عن سيره حياته في سطور

التمت الاطراف ذي ضنيتها متخاصمه
بانت حقايقهم وتتكشف لنا كل الامور

كنا نشوف البحر هايج والموج متلاطمه
والظاهر ان البحر واحد يا شواطي جولدمور

وختمها صلو معيا واذكروا بو فاطمه
الصادق المأمون ذي يشفع لنا يوم النشور


جواب......... هيثم عوض السعدي


قلطان من قارن برفسور ألأدب بالعامه
رغم انني انسان متواضع ولا حُب الظهور

عكس الذي بيدور الشهره ونفسه هايمه
بالكذب والتزوير لافوق التُباهي والغُرور

لو كوُّنوا دولة أدب أسمي يكون العاصمه
من بعد تأليفي كتاب المعرفه والعلم نور

يااااللعجب دنياء صدق من قال عنها ظالمه
مادام والجاهل بتتفلسف على عالم جسور

استفحل الجهل المكثف بالنفوس الأثمه
حتى اصبح الجاهل بجهله يمتلك عدة قصور

الناس بالمريخ وابن السيل نفسه جاثمه
بيناقش السلسال حقه والمقاطي والبخور

لما متى يعقل وياتي في رساله هااااااامه
ويناقش الاوضاع في شعره وما حوله يدور

كني أراء ما حولنا ينذر بيوم الطامه
((الهرج)) به زايد وتشبيه الاناثي بذكور

وين العقول اللي تناقشها وهي متفاهمه
قليل من يوجد على دينه وعن عرضه غيور

الناس بالجمله بتُقتلْ وانت نفسك خاااارمه
فضحكنا ياسيل بدور على لحمة جزور

الكبش يفرح عندما هيثم عوض بيناجمه
لما بيتهزاء يشوف انه قده صقر الصقور

تُذكر على فحتوت لحمه سيك فوضه عارمه
سويك مضاربه ببيتي يابطل وقت الفطور

ياسيل مش وقتك وكل ماقلت ماله لازمه
وبو علي لو كان فاضي لك يسوي لك سحور

ان كان عندك شعر هادف او قصيده حاسمه
جبها وانا باجوبك حتى ولو فيها كسور

مامثل هذا النوع شف قدهي معي متراكمه
لعا تضلي ك الدجاجه فوق ضهرك ياحرور

والختم صلي ع النبي كل ماتشرع جاهمه
ورخاء بمطره وصبحة بقعاء مع الرعوي سبور